D’n Doal vlug waer oet,

Vleig g’r mit?

Béste Doale en Doalinne,

Doordat de beperkinge m.b.t. de coronamaotregele ummer minder waere, geuf òs dat de muigelikheid òm de vastelaovesoptoch op maonjdig 28 fibberwarie door te laote gaon.

Veer höbbe lang op dees muigelikheid mòtte wachte en daodoor geit de organizasie van de opoch noew in ein versjneld tempo: vastelaovend sjteit al veur de deur!

Veer haope dat d’r toch aevegoud eine sjòne optoch kump, mit name veur òs prinsepaar Stan 1e en prinses Mariëlle en het jeugprinsepaar Vik 1e en jeugprinses Laurie

Neit jederein haet op deze korte termien nog de muigelikheid òm get nuuts te make of te boewe en daoròm zeen krejasies van veurgaonde jaore net zo goud en net zo welkòm. Daoròm oug gein pries dit jaor:

mitdoon is ’t belangriekste.

Waal zuik de sjurie nao ’t meist Lömmerichse illement, oug al is dat ein “aw” kreasie, en zal dat bekrone mit “de Zjwaegelekremer”.

Insjrieve veur de optoch kent digitaal. Veer vénje ‘t fenj es geer uch veuraaf doot insjrieve (zeker grote gròppe, of gròppe mit meziek), zodat veer toch ein bietsjke kenne indeile, mer dat houf neit.

Es geer op vastelaovesmaonjdig toch sjpòntaan mit wilt doon aan de optoch, dan ként dit ouch zònger insjrieving.


    EinzelgengerKoppelKleine GroepGrote groepWageWage / groep

    (* verplich in te völle)

    Vraoge euver de optoch ként geer biej "Vraoge" invölle of evt. belle nao de sikretaris van ’t optochkòmmetee Henk Sjrieje 06-80133891


    Share this Page