Oproop brainsjtormsessie / Revue 2022

Marcoschlicher/ augustus 3, 2021

Nao eine tied van ós laeve noodgedwònge in ein röstiger vaarwater te höbbe doorgebrach wurt d’r op dit momént waer gekéke wie ós laeve d’r nao ’t coronatiedperk zal gaon oetzeen. Wie gaon de luuj hunne tied invölle en wélke evenemènte zeen d’r sjtraks waer meugelik?

Ofsjoon veer natuurlik (nog) gein zekerheid höbbe, gaon veer d’r waal vanoet dat in 2022 waer op ein passende menaer vastelaovend zal waere gevierd. En dao wo de grote(re) evenemènte misjien te make gaon kriege mit toegangsteste etc. dènke veer dao in Lömmerich redelik weinig “las”van te zulle höbbe. Raeje genóg waer van sjtart te gaon mit de organisasie van ós aktiviteite.

Dao wo ’t prinsipe “door Lömmerich – veur Lömmerich“ blif besjtaon gaon veer waal ein paar organisatorise verangeringe doorveure. Zo zal de balans tösje meziek en kolderieke optraejes waere gefinetuned, zal d’r misjien eine regionaal bekènde arties waere oetgeneudig en zo wille veer ouch kieke nao de samesjtelling van de groepe. Dao wo ’t in ’t verleje ummer gebroekelik is gewaes dat jederein zich in groepverbandj moosj opgaeve, kent me zich vanaaf edisie 2022 ouch individueel opgaeve en dao wo de groepsamesjtelling in ’t verleje door de groepe is bepaald zal vanaaf kómmende edisie door de wirkgroep herberg d’n Doal bekeke waere welke rol ’t béste pas bie welke sjpeler.

Op 21 september om 20.00 oer zal d’r in ’t gemeinsjapshoes ein bieeinkoms plaatsjvènje wo veer dit vernuujde konsép same mit alle betròkkene in ’t best passende jeske wille geite. Natuurlik bes doe van harte welkom!

Gaer zowwe veer veur 15 september dudelikheid höbbe wae aanwezig zal zeen. Laot dit estebleif weite aan Vincent via ein mailtje nao vincent@doale.nl..

Alvas dank,

VV. de Doale Lömmerich

Share this Post