JeugPrinsepaar van 2026 sjtelt zich veur
jeugPrins Dean 1e en jeugPrinses Zinzi
jeugdPrinsepaar V.V. de Doale 2026 stelt zich voor
Tijdens een bomvolle jeugdprinsenzitting werd op 9 januari het nieuwe jeugdPrinsenpaar van V.V de Doale uitgeroepen:
jeugdPrins Dean d’n eesjte en jeugdPrinses Zinzi
Dean Tummers is 11 jaar. Zijn hobby’s zijn voetballen en judo en zit hij in groep 8 van basisschool Loedoes bij meester Hein en Juf Maud. Vissen en gamen doet hij graag met zijn vrienden en als er nog tijd over is gaat hij graag klussen in de loods van Opa Leon.
Zinzi Spaan is 10 jaar en speelt korfbal bij KV Gazelle, daarnaast is ze ook erg muzikaal en speelt ze piano en volgt ze zangles samen met een vriendin. Verder heeft Zinzi veel huisdieren, ze is dan ook gek op dieren. Zinzi zit in groep 7 van Basisschool De lemborgh bij juf Jiska
Op carnavalsmaandag zullen jeugdprins Dean 1e en jeugdprinses Zinzi samen met hun jeugdraad boven op hun eigen prinsenwagen staan. Carnavals dinsdag is echt een dag voor de kinderen tijdens het “Poetebal”.
Dus kom naar Limbricht en vier samen de “vastelaovend”
Hun lijfspreuk voor deze carnaval is:
Veer wille danse, hosse en sjprenge,
mit jederein vastelaovesleidjes zenge,
Sjnap uch in de erm en pak uch bie-ein,
dan is deze vastelaovend nemes allein
Vastelaovend saame!
PROCLAMATIE
2026 is nog mer net begoosj, mer ‘t kent noe al neit meer sjtök,
kiek os hie noe staon, veer sjtraole van gelök.
Noe houve veer neit meer te zjwiege, jederein maag ‘t weite,
vanaaf vandaag zulle veer Prins en Prinses heite.
De kómmende menute is ‘t verbaoje óm te eppe of te belle,
want veer wille ós gaer aan uch veursjtèlle.
Miene naam is Dean Tummers, 11 jaor geleeje in Zitterd ter waereld gekómme,
al jóngk höbbe pap en mam mich vanoet Bor mit nao Lömmerich genómme.
Miene naam is Zinzi Spaan, bèn op de Michiels van Kessenichsjtraot gebaore,
noe 10 jaor later bèn ich es jeugPrinses van de Doale oetverkoare.
Ich ben eine zoon van Lou, eine echte jóng van Lömmerich,
es jeugPrins in 1994 en grote Prins in 2008 is hae in Lömmerich ein bekènd gezich.
Mien mam Claudia is ein maedje oet Bor, auch zie wit wie ich mich Prinselijk mot gedrage,
in 1997 sjtóng zie biej de Pierewieters es jeugPrinses hoog oppe wage.
Jean-Paul is miene pap, hae hilt neit zo van vastelaovend en verkleije,
dao kump dit jaor verangering in, dao ként hae zich vanaaf noe op veurbereije.
Auch mien mam Gaby haet neit ech vastelaoves bloud,
mer maak uch gein zörg, ich zal hun verkleije en dan kump alles goud.
Naomy is mien zösterke, soms sjtechele veer ós mer zie sjteit ummer aan mien zie,
deze vastgelaovend is zie vas en zeker euveral bie.
Baco is ózze hondj, mit häöm sjpeel ich gaer,
wangjele doon ich auch, mer leiver neit mit raege-waer.
Mien zöster Sanne en bräörs Nuno en Cars sjtaon altied veur mich klaor mit gouwe raod,
naeve mien 2 cavia’s höb ich auch 2 hunj, Dyson en Swiffer, zie doon nemes kaod.
Mit tante Amiée deil ich de leifde veur paerd, zo wie geer heurt, ich ben gek op deere,
Jolanda is mien leifste oppas, mit häöre kleinzoon Matthy ken ich mich oere amusere.
Opa Leon en Elly sjtaon hie greutsj mit ein lach op hun gezich,
oma Ilio höb ich helaas nooit gekend, in 1995 haet zie de auwt jeugPrinse opgerich.
Opa Dick en oma Marlies geneite van dit moment, ze sjtraole van kop tot teen,
opa waor jaore Vórs bie de Bessemebenjers en oma haet al heel get Prinse van ein pak veurzeen.
Opa Ruud en oma Lilianne zeen vandaag greutsj en blie,
opa Willy haet os ’t aafgeloupe jaor verlaote en is d’r helaas neit meer bie.
Waat zouw hae dit gaer höbbe wille mitmake,
van baove aaf zal hae de ganse vastelaovend euver zien kleine Prinsesje wake.
Mien hobbies zeen voetbal en judo, dat is soms waal drök,
zowel op ’t veld és op de mat sjtaon ich mien menke, auch al ben ich klein van stjök.
Auch vösj of game ich gaer mit mien vrunj, veer höbbe dan väöl plezaer,
es ich tied euver höb ben ich bie opa Leon in de loods, dao klus ich gaer.
Ich korfbal al sinds mien 4 de bie KV Gazelle, sjtaon altied op ‘t veldj mit goeie zin,
ich ben auch muzikaal, ken piano spele en volg zanglés mit ein vriendin.
Naegel style en bezig zeen mit make-up, is waat ich ’t allerleifste doon,
ich wil haer gaer sjoonheids sjpecialiste waere, dat liek mich ech heel sjoon.
Sinds dit sjooljaor zit ich op Loedoes, in groep 8 van meister Hein en juf Maud,
dat ich de kómmende tied mit klein uigskes in de klas zit vèngje zie vas en zeker goud.
Ich zit in groep 7 van de Lemborgh, hie mot ich väöl lere, mer ich weite zeker dat juf Jiska mich de kans geef óm sjool en vastelaovend te kómbenere.
In 2020 moch ich op de basissjool in Bor al es kleuterPrins veurop gaon, 2 jaor geleeje soliciteerde ich in de optoch om jeugPrins te waere en kiek mich hie noe sjtaon.
Al vanaaf kleine jong droug ich ein keep en sjteek, vaere vongj ich toen al magnifiek,
Rowdy leende mich al dèkker zien sjteek, dat hae miene adjudant is vengj ich sjiek.
Zo wie ich al zei höb ich ’t vastelaovend viere neit van mam en pap,
daorom geit tante Kyra euveral mit mich mit op sjtap.
Michiel zal mich biesjtaon es adjudant,
mit os 3 e numme veer pap en mam waal bie de handj.
Nao zoväöl weurd zult geer ós inmiddels waal kenne,
óngertösje höbbe veer al ein bietje aan ós nuuje rol kenne wenne.
Same vastelaovend viere, mit väöl plezaer en eine ganse houp sjpas,
boew de sjoonste wages en haol de gekste pekskes oet de kas.
JeugPrins Dean en jeugPrinses Zinzi zulle dit jaor veurop gaon,
veer wille mit uch hósse en sjprènge, pas in de late uurkes heivisj gaon.
Noe höbbe veer genóg gezag, gesjpraoke en gemoelt,
veer sjloete aaf mit ózze liefsjpreuk zo wiej veer meine dat de vastelaovend is bedoeld:
Veer wille danse, hosse en sjprenge,
mit jederein vastelaovesleidjes zenge,
Sjnap uch in de erm en
pak uch bie-ein,
dan is deze vastelaovend nemes allein
Alaaf Däölkes! Alaaf Daolinnekes!
Alaaf Lömmerich!
Gegaeve in de Doaletempel op neuge jannewarie tweedoezendzösentwintig,
JeugPrins Dean d’n Eesjte
JeugPrinses Zinzi