Rös zach Peter

marcoschlicher/ april 22, 2020

Op deze klaore aovend haet d’n hemel d’r ein sjitterende sjter bie gekrege…….Vanaovend róndj kwart op neuge haet ‘t vastelaovesvirus verlaore van ‘t virus covid-19.

Ózze awt Prins, awt Vors, senator mer baovenal (vastelaoves)vrundj Peter Wolters haet ziene sjtried neit kénne wénne.

És Peter d’n tweede sjtóng hae in 1990 op de hoogste wage van de Lömmerichse vastelaovesoptoch en daonao waor hae, nog meer és veur dae tied, és awt Prins, (besjtuurs)lid van de AuwtPrinsegarde Lömmerich en (besjtuurs)lid en Vors van ós vastelaovesvereiniging gans kort verbónje bie ‘t Lömmerichs vereinigingslaeve en mit de Lömmerichse vastelaovend in ‘t biezunjer.

Veer gedénke Peter es eine betrókke, initiatiefnúmmende, ummer veur ein präötje inzeende, ónveurwaardelike vastelaovesvrundj en wunsje Nicole, Bart, Jelle, Jos en Ellen, Piet en Ria en alle wiejere familie en vrunj, names de ganse Doalefamilie, heel väöl sjterkte mit dit ónbesjriefelike verleis…….

Peter, rös zach, ‘t geit dich goud!

Share this Post