Prins VV de Doale 2026 stelt zich voor

Prins Jorn d’n eesjte heerst in 2026 over het Limbrichtse Doaleriek.

Zaterdag 10 januari is Jorn Lomme uitgeroepen en geïnstalleerd tot Prins Jorn d’n eesjte van VV de Doale in Limbricht.

Tijdens de Prinsezitting in een bomvol gemeenschapshuis, nam eerst heersend Prins Jan d’n tweede en zijn Prinses Rian afscheid als Prins en Prinses.

Zij spraken hun afscheidsrede uit waarin in vogelvlucht werd terug geblikt op een prachtig seizoen en waarin zij hun adjudanten en heel vastelaovendvierend Limbricht bedankten.

Aansluitend vond de uitroeping van de nieuwe prins plaats.

Jorn is 47 jaar geleden geboren in Born en bracht aldaar zijn jeugd door. Hij leerde zijn vrouw Lotte (’n Lömmerichs maedje)  in 1994 kennen en inmiddels wonen zij reeds 22 jaar met hun kinderen Cas en Niek in Limbricht.

Jorn is 22 jaar bestuurslid van de buurtvereniging Kesjteelbuurt en ook is hij reeds 11 jaar jeugdleider bij VV Zwentibold en (mede)eigenaar van bouwbedrijf LOCABOUW in Sittard

De peettante van Jorn, moeder van oud prins Guus d’n eesjte van Limbricht, leerde Jorn al vroeg genieten van de Limbrichtse Vastelaovend.

Vastelaovend vieren is hem dus toevertrouwd. Sinds Jorn en zijn gezin in Limbricht wonen, nemen ze steevast deel aan de vastelaovesoptocht van Limbricht. Al 22 jaar.  En dit jaar mag hij dat als Prins doen.

Prins Jorn d’n eesjte zal samen met jeugdPrins Dean d’n 1e en jeugdPrinses Zinzi de komende weken voorop gaan in de Limbrichtse vastelaovend.

De receptie van de Prinselijke hoogheden vindt plaats op zaterdag 24 januari vanaf 18.33 uur in het gemeenschapshuis het Woape van Lömmerich.

Vastelaovend Saame

PROCLAMATIE

Leif Doale en Doalinne,

Al menig joar sjting ich hoog in de poll
En kreeg ich sjteeds de vroag of ich de nuuje Prins van de Doale waere zoll.

Dat sjpel höb ich keer op keer gesjpeeld mit väöl plezeier.
Meistal onder het genot van heel get glazer beier
En op 18 augustus verleje joar woar ’t dan zowiet
Awt Prins Harrie de 2de zei oppe voetbal wei “’t is diene tíed”.

Hae vroag mich of ich de nuje Prins woll waere
Wat een eer, jazeker – heel gaere!
Maar veur ich doa joa op koosj zégke
Moosj ich eesj thoes aardig get oet goan légke
Lotte en ich woare het eigenlijk heel sjnel èns
Dit is ein kans wasse dich neet loate loupe kèns
En wie sjoon is ’t auch om dit same mit uch te kénne viere hie

Mit mien pap en mam, Grootvorst Ben, Hub, de Senaat en geer allemoal d’r nog bie
Dus wae haw dit gedach, hie sjtoan ich dan te kiek
Es Prins Jorn d’n eestje van ‘t Doaleriek

Mer veur de luuj die mich nog neet zo good kénne
Zal ich mit mich veur te sjtélle gaon beginne

Op 17 juni 1978 bén ich geboare in ‘t Pierewietersriek van Bor. Noe zeen dat de
Bessemebènjers. Ich waor de 2de poet en doamit woar ’t gezin compleet.

Mien ouwesj sjtinge allebei es docent veur de klas. Mam sjpeelde sjuuf-trombone bie de
dames joekskapel genaamd “wie Besjteit ‘t” en Pap waor fervent lid van hun fenklup.

Vasteloavend viere deje v’r gaer en zodra ’t koosj wirkde ich mit aan de sjoonste
vasteloavenswages en ginge v’r jeder jaor mit d’n optocht mit.

Noa de basissjool in Bor bén ich nao de MAVO gegaon. Wat waar dat eine heerlijke tied. In
de weekende ginge v’r langzaam aan op sjtap en mit de Vasteloavend mit eine grote groep
d’r op oet. Ich woonde bie Bartok om d’n hook en auch noa de middelbare sjool wis jederein
os hoes te vénje en ginge v’r sjtevast same op sjtap.

Mien paet-tant waar tant Mie van Kitzen, de einigste zös van miene pap en de mam van awt
Prins Guus d’n eestje. Joamer genóg is zie al heel get jäörkes neet meer ónger ós mer Tant
Mie leerde mich waal al vreug geneite van de Lömmerichse Vasteloavend – wo-ónger de
jaorlijkse revue – en jeder jaor drónke v’r sjtevas same aan de bar eine pils en hauf-om.

Vasteloavend viere zit dus éch bie ós in de femilie. De neudige Prinse höbbe veer al aan de
Doale geleverd en noe moug ich auch greutsj in die rie gaon sjtaon.

Mit de vasteloavend van 1998 gebeurde get sjoons. Lotte, dat maedje oet de Kesjteelbuurt
pakte ich toen vas en v’r höbbe os daonao neet meer los gelaote. Lotte ging wirke bie de
Apotheek in ’t Lömmerichterveld en ich in de boew. En nao eesj 2 joar in Zitterd te höbbe
gewoond sjtieit ós Prinselijk palies noe al 2×11 jaor in de Bentinckstroat op, wie kan het
angesj…nr 11 in de gewéldige Kesjteelbuurt!

Wie veer dao zeen kómme wone sjpeelde mien sjoonpap Hein bie de Sjwaegelebend en
mien sjoonmam Wies waar bie de buurt. Helaas zeen auch die 2 ós al lang geleje óntvalle
mer ich dènk dat ze sjtiekem dao baove geneite van al ’t sjoons wat hie noe gebeurt en de
confettikanónne geweun laote knalle.

Zelf bén ich 2×11 joar geleje auch besjtuurslid gewore van de Kesjteelbuurt en ónger de
leiding van ózze Grootvors en veurbeeld Ben organisere v’r jaorlikse aktiviteite veur jóngk en
awt. Loupe v’r jeder jaor mit eine groep mit in de optocht en zamele v’r auch al ruum 11 joar
laevesmiddele in veur ’t goeie doel.

In 2009 en 2012 zeen Lotte en ich de troste awwesj gewore van ós zone Cas en Niek. Beide
voetballe ze bie VV Zwentibold en dao moug ich auch al 1×11 joar jeugdleider zeen. Op
maonjig train ich de JO17-1 same mit awt Prins Harrie II en dat waor in de aanloup nao deze
Vastelaovend natuurlijk hartstikke henjig.

Veer loupe auch al 2×11 jaor same mit in de Lömmerichse vasteloavesoptocht. Mit os klupke
vrunj genaamd de Cataco’s of mit de Kesjteelbuurt wobie veer altied sjtreve noa de
erepries…. maar eigelijk is mitdoon nog belangrijker dan wénne.

Sinds 2021 bin ich op mien eige begónne en höb ich same mit miene compagnon het
boewbedrief LOCABOUW opgerich. Saame mit ós team make v’r nuuj hoezer van sjtein of
hout, renovere, verboewe en óngerhauwte veer eine houp en auch ózze Doaletempel höbbe
v’r al eine eesjte facelift mouge gaeve.

En és ich dan ens vrie ben gaon ich gaer noa boete of op vekans. ’t Leifs oppe camping mit
mien tentje nao de berg en geneite van de sjone natuur of ein anger kultuur. Mit mien zoons
en vrunj oet de buurt gaon v’r sjtevas nao Fortuna wovan v’r al jaore ein seizoenskaart
höbbe. En vanoet mien autohobby doon ich regelmaotig mit aan rally’s, meistal veur ein of
ánger good doel.

Miene adjudant dae kump van wiet maar sjteit veur mich toch heel kortbie.
Mesjin kint geer ‘m waal want és get te feeste is dan zeen veer vaak same van de party
Daniël is miene buurman en same belaeve veer väöl sjoon momente
Toes, bie Fortuna en in vasteloavend – feesttente.Mer noe höb ich waal genóg gezag, tied om uch mien regels te gaon zégke
Ich zal ze ein veur ein aan uch oet goan légke:

Ich proklemeer.

Ten eesjte:
De Kesjteelbuurt is veurlepiig neet meer zo geweun
Maar kleurt deze vasteloavend Rood, Gael en Greun.

Ten tweede;
Dat de jongens van de J017-1 mitgaon in de polonaise, geneete en zich amusaere. Maar dit
seizoen waal ens échte kampioene gaon waere!

Ten derde;
Dat Jederein zich good geit amusere, maak allemoal genóg lol, sjpas en plezeer
En vergaet alle elènj in de welt veur deze eine keer.

Ten veerde;
Dat de vrouwluuj van de awt Prinse dit jaor mitdoon veur sjpèk en bone zodat v’r de Cataco’s
auch èns mit eine erepries kénne belone.

Ten viefde;
Mit al ós Lömmerichse vereiniginge zeen v’r erg begaon,
Dus loate v’r mit zien alle d’r veur zörge dat ózze Doaletempel nog lang hiej op dees plek zal
blieve besjtaon!

Ten zösde;
Dat mien ganse familie, vrunj, collega’s en bekénde jóngk en awt, veur mich zeet geer
allemoal van goud. En auch al zeen d’r zörg of is d’r verdreet, ich wunsj mich dat geer
allemaol weer van deze sjone tied geneet!

Leif Doale en Doalinne
Maak sjoon herinneringe en vier ’t laeve
Sjnap dich eine vás. Wae? dat is om ’t aeve
Want mit de vasteloavend zeen veer allemoal geliek
En viere weer ein fantastisch fees in os Doaleriek!

Vastelaovend same!

Gegaeve en gesjpraoke in ózze Doaletempel op 10 januari 2026,

Prins Jorn d’n eesjte.